Portal tad-data Ewropew

Tagħlim elettroniku

Tagħlim elettroniku

Merħba fil-programm ta' Tagħlim elettroniku tal-Portal tad-Data Ewropew. Il-kontenut onlajn tagħna jagħtik introduzzjoni sempliċi u ċara għad-Data Miftuħa.

X'inhuwa t-Tagħlim elettroniku?

L-esperti tagħna għażlu 16-il modulu qasir imfasslin għal kulħadd biex dawn jiskopru aktar dwar id-Data Miftuħa. Il-moduli huma adattati għal-livelli kollha, minn dawk li għadhom kif jibdew għal esperti.

 

Kemm se jdum dan il-kors?

Aħna konxji li l-maġġoranza tal-persuni għandhom wisq x'jagħmlu biex jieħdu kors sħiħ f'darba, b'hekk il-moduli tagħna nħolqu biex jissodisfaw anke fi skeda mimlija. Għal dawk li jixtiequ jiksbu ftit ħarsa ġenerali, kull modulu jista' jieħu bejn 15 u 30 minuta biex jitlesta. Għal dawk li jixtiequ jkunu jafu aktar fid-dettall fuq qasam speċifiku kull modulu jipprovdi wkoll sa sagħtejn ta' qari żejjed.

 

Meta għandek tuża l-moduli?

Għall-aħjar riżultati, lesti t-16-il modulu kif jiġu wara xulxin għal bażi soda fl-aspetti kollha tad-Data Miftuħa. Jew, jekk tippreferi li tagħżel suġġett speċifiku, ħossok liberu li tipproċedi dritt għal dan il-modulu.

 

X'tista titgħallem?

Il-programm tat-tagħlim elettroniku jintroduċik għal kull aspett tad-Data Miftuħa. Inti se titgħallem dwar definizzjonijiet relatati mal-kunċett u se taqra storji ta' suċċess minn madwar l-Ewropa. Aħna nintroduċu t-tendenzi ewlenin fid-Data Miftuħa, nispjegaw kif in-nies jippubblikawha, jaċċessawha, u jużawha. Finalment, aħna nenfasizzaw fuq il-futur tad-Data Miftuħa u nġegħluk taħseb dwar il-passi li jmiss għax-xogħol proprju tiegħek.

 

Fejn għandi mmur?

Biex tibda kklikkja fuq il-link:

 

Kif nista' naqsam l-esperjenza tiegħi?

Aħna fil-Portal tad-Data Ewropew nixtiequ nisimgħu dwar l-esperjenza tiegħek bid-Data Miftuħa. Jekk tixtieq taqsam l-istorja tiegħek magħna, tista' tagħmel dan billi tikklikkja hawn:

 

Minn fejn nista' naċċessa t-traskrizzjonijiet tal-moduli tat-Tagħlim elettroniku?

Jekk inti interessat/a biex taċċessa t-traskrizzjonijiet tal-moduli tat-tagħlim elettroniku, ikklikkja l-link bl-Ingliż, bil-Franċiż.